- Bisita egin baino lehen, komeni da ordutegiak eta tarifak atala ikustea; izan ere, zenbait sarrera mota eta irekiera-ordutegi daude, batzuk egoitza nagusiarenak (Sabatini eta Nouvel eraikinak), beste batzuk Retiroko parkeko egoitzarenak (Velázquez eta Cristal jauregiak).
- Erakusketa-aretoetan 21ºC-ko tenperatura egoten da beti, aldaketarik gabe. Egun beroetan, gomendatzen da babesteko jantzirik eramatea.
- Garrantzitsua da haurrak ondoan izaten ahalegintzea helduak, aretoetako artelanak uki ez ditzaten.
- Galarazita dago animaliarik sartzea museoko egoitzetan. Soil-soilik itsu-txakurrak edo laguntzako txakurrak sartzea baimentzen da, baldin eta halakoak direla ziurtatzen duen dokumentazioa erakusten bada.
- Museorako sarrera aldez aurretik eros daiteke sarrerak erosteko eta erreserbatzeko onlineko sistemaren bitartez; horretan, banakako edo talde baterako sarrerak erosi eta erreserba daitezke.
- Nola iritsi atalak lagunduko dizu kokalekuak eta haietara iristeko sarbideak ikusten, baita egoitzen arteko ibilbideak ere.
- Museoak banaka egiteko bisitak eta taldeka egiteko bisitak eskaintzen ditu, bai bilduma ikusteko, bai aldi baterako erakusketak ikusteko.
Banakako bisitariek aukeran dituzte, baita ere, bitartekariek komentatutako bisitak. Ez dago aurrez erreserbatu beharrik. Hala nahi dutenek, bisita tematikoa egin dezakete, modu autonomoan, museoak horretarako argitaratzen dituen foiletoek lagunduta; interpretazio-guneetan daude.
- Webgunean informazio zehatza dago, bai bildumari buruzkoa, bai iraganeko, orainaldiko eta geroko erakusketei buruzkoa. Era berean, eduki guztiak elkarri lotuta daude, eta erakusketen fitxa zehatz-zehatzak ere badaude, baita artisten eta haien gaineko zerrenda bibliografikoen informazioa ere.
- Multimedia atalean, bideoak, audioak eta irrati-kapsulak daude, betiere museoaren programazioari lotutakoak: bilduma, aldi baterako erakusketak eta jarduerak.
- Hezkuntza-baliabideak atalean, haurrekin egiten diren bisitetarako gidak, ikasleen bisitetarako gidak, helduentzako ibilbideak eta beste argitalpen didaktiko batzuk daude, museora egiten den bisita aberasteko.
Prestatu bisitaldia
